រមណីដ្ឋាន ម្លប់ស្លា

ទំនប់ស្លា បានបើកដំណើរការចាប់តាំងពីឆ្នាំ ២០១៦។ វាជាទំនប់ដែរអបជាមួយទេសភាពដ៏ស្រស់ស្អាតនៃតំបន់ទេសចរធម្មជាតិថ្មី។ 

ទិដ្ឋភាពក្នុងទំនប់ មើលទៅដាច់កន្ទុយភែ្នក មានព្រៃព្រឹក្សា  និងជួរភ្នំដុះអមជុំវិញ ទំនប់ដែលជាម្លប់សម្រាប់ កម្សាន្ត រីឯផៃ្ទទឹកមានពណ៏ខៀវស្រងាត់ ទឹកត្រជាក់ថ្លាឆ្វង់ស្ទើរតែអាចឆ្លុះមុខបាន រហូតធ្វើឲ្យអ្នកទស្សនាមិនចង់ឃ្លាតពីកនែ្លងនេះ ឡើយ។ ភ្ញៀវទេសចរគ្រប់ៗគ្នាអាចជួលទូក កៃយ៉ាក់ ទាទឹក ជិះលេងកំស្ដានបានយ៉ាងសប្បាយរីករាយ។ ក្រៅពីការនឿយហត់ពីការលេងកំស្តាន ភ្ញៀវទេសចរអាចសម្រាក់ពិសារអាហារ និងភេសជ្ជះជុំគ្នាយ៉ាងរីករាយផងដែរ។​ដើមកំណើតនៃ ទំនប់នេះគីត្រូវបានប្រើប្រាស់សម្រាប់ ផ្គត់ផ្គង់ទឹកលើ ផលដំណាំផ្សេងៗជាច្រើននៅជុំវិញតំបន់នោះ។ 

សព្វថ្ថៃនេះ វាក៏ជាគោលដៅទេសចរណ៍ដ៏មានសក្ដានុពល ដែលលាតត្រដាងនូវផ្ទាំងទេសភាព​ដ៏ស្រស់ត្រកាល បានធ្វើឲ្យទីនេះ ក្លាយជា​កន្លែងសម្រាកលំហែកាយគួរជាទីមនោរម្យ នៅក្នុងព្រះរាជាណាចក្រកម្ពុជា។

ដើម្បីទៅដល់ទីនោះ ភ្ញៀវទេសចរត្រូវ​ ធ្វើដំណើរពីភ្នំពេញតាមផ្លូវជាតិលេខ ៤ ប្រម៉ាន​ ៣០គីឡូម៉ែត ដល់ផ្លូវជាតិលេខ ៤១​ បត់ឆ្វេង រួចបន្តរដំណើរប្រម៉ាន ១៧គីឡូម៉ែត ដល់ផ្លូវលំលេខ ១៤៣ បត់ឆ្វេង រួចបន្តរដំណើរប្រម៉ាន ៦គីឡូម៉ែត​ ដល់ផ្លូវលំក្វោងទ្វា វត្តក្រាំងគម្ពឺ រួចបត់ចូលប្រម៉ាន ១០០០ម៉ែត នឹងទៅដល់គោលដៅ.អត្ថបទ សិត ប៊ុនថេង។