រក្សាចិត្ត

៙. ជីវិតលំបាកត្រូវខន្តី         ជួបរឿងក្រក្រីត្រូវកុំខ្ជិល

គោរពខ្លួនឯងត្រូវមានសីល  ប្រាជ្ញលះមន្ទិលសម្អាតចិត្ត ។

ប្រយ័ត្នបួនរឿងគ្មានត្រឡប់  មួយពេលរកទ្រព្យរឿងជីវិត

ឬពេលជុំញាតិម៉ែឪមិត្ត        ពេលជួបបណ្ឌិតពេលនៅក្មេង ។

ពីររឿងឱកាសប្រព្រឹត្តធម៌    ឱកាសថ្លៃល្អធម៌សម្ដែង

ឱកាសសាងផ្នួសខ្ពស់ក្រៃលែង 

ឱកាសកោតក្រែងព្រះសាសនា ។

បីរឿងសម្ដីវចីពោល        មិនមែនខ្ជាក់ចោលបាត់ទៅណា

គេឮហើយចាំគេកត់ត្រា   គួរមានមេត្តា វាចាល្អ ។

បួនគឺមនោសញ្ចេតនា      អភិសង្ខារធម្មតាធម៌

ទោសសូមខមាជាការល្អ  តែកម្មបាបធម៌លុបមិនបាន។