ពុទ្ធកិច្ច៥យ៉ាង

គ្រាកាលព្រះសម្ពុទ្ធ ប្រសេីរផុតដ៏ឧត្តម បានត្រាស់ជាបឋម សែសិបប្រាំ ព្រះវស្សា ។ បំពេញពុទ្ធកិច្ច មិនដែលដាច់វេលាណា សម្មតិឈ្មេាះហៅថា ពុទ្ធក្រិត្យាមានប្រាំយ៉ាង។ 

.ទីមួយ៖ គឺពេលព្រឹក ដ៏ពន្លឹកពន្លឺស្វាង ព្រះអង្គស្តេចទ្រង់យាង ចេញបិណ្ឌបាតប្រេាសសព្វសត្វ។

.ទីពីរ៖ រសៀលជ្រេ ព្រះសុរិយេពេលទៀបស្វាត់ ទេសនាប្រេាសសព្វសត្វ មិនកំណត់ថាសត្វណា។

.ទីបី៖ ពេលព្រលប់ ព្រះចមភពត្រៃលេាកា ប្រទានធម៌ទេសនា ឲ្យឱវាទភិក្ខុសង្ឃ ។

.ទីបួន៖ ពេលអធ្រាត្រ ព្រះលេាកនាថទ្រង់ផ្ចិតផ្ចង់ ព្រះទ័យល្អស្មេាះត្រង់ ទ្រង់ដេាះស្រាយនូវប្រស្នា។ ផ្សេងៗកេីតឡេីងពិត នៅក្នុងចិត្ត នៃទេវតា ងឿងឆ្ងល់ធម៌ត្រង់ណា ព្រះសាស្តាទ្រង់អាកាត់ ។

.ទីប្រាំ៖ ពេលទៀបភ្លឺ មេីល៍មេីលនិស្ស័យសត្វ នៅក្នុងសង្សារវដ្ត ឲ្យប្រាកដគួរសន្តេាស ។ សត្វណាមានសំណាង ព្រះអង្គយាងចេញទៅប្រេាស ប្រទានធម៌ទាបខ្ពស់ ឲ្យទៅតាមឧបនិស្ស័យ ។   ធម៌នេះឈ្មេាះហៅថា ពុទ្ធក្រិត្យាប្រសេីរក្រៃ វិជ្ជាទិវៈថ្លៃ នៃព្រះពុទ្ធពីបុរាណ ។ បំពេញឥតនឿយណាយ រៀងរាល់ថ្ងៃមិនដែលខាន លុះព្រះចូលនិព្វាន ទេីបឈប់ខានទាំងអស់ហេាង។ 

   ហៃសាធុជនណា អ្នកប្រាថ្នានឹងប៉ុនប៉ង ចង់ឃ្លាតពីចំណង ត្រៃលេាកនេះពិតប្រាកដ ។ ត្រូវខំរៀនសិក្សា នូវធម៌អាថ៌ដែលជាបទ ពុទ្ធកិច្ចប្រាំប្រាកដ នេះកំណត់គួរយល់ដឹង ។ ជននេាះនឹងស្មេីបាន នឹងនាឋានជាទីពឹង ឬនូវនាលេាកហ្នឹង នឹងបានខ្លួនជាអ្នកធំ ។ លេីសជនផងទាំងឡាយ សុខសប្បាយដ៏ឧត្តម ក្សេមក្សាន្តសុខមនេារម្យ រៀនរួចដល់និព្វានផង។