ការអប់រំអំពីសីលធម៌

ទ្រព្យដែលរកបានដោយទុច្ចរិតមិនធ្វើឲ្យចំរុងចំរើនឡើយ មានតែទ្រព្យរកបានដោយសុចរិតប៉ុណ្ណោះទើបសង្គ្រោះជីវិតបាន។
ប្រយោគនេះចង់ប្រាប់យើងថា កើតជាមនុស្សត្រូវស្គាល់ខុសស្គាល់ត្រូវ ស្គាល់ល្អស្គាល់អាក្រក់ ត្រូវចេះរស់នៅឲ្យមានតម្លៃក្នុងសង្គមមនុស្ស។ កុំស្រឡាញ់លុយកាក់ មាសប្រាក់ជាងកិត្តិយស និងភាពថ្លៃថ្នូរនោះឡើយ ព្រោះមានទ្រព្យសម្បត្តិខ្លះបានមកដោយអំពើទុច្ចរិត វានឹងនាំយើងឲ្យវិនាសអន្តរាយទៅថ្ងៃមុខ ដូច្នេះមានតែរកទ្រព្យតាមរបៀបសុច្ចរិតតែប៉ុណ្ណោះដែលអាចនាំយើងឲ្យមានសេចក្តីសុខ មានកិត្តិយស ថ្លៃថ្នូរបាន។