ការចេះដឹងរបស់មនុស្សអាក្រក់

ការចេះដឹងរបស់មនុស្សអាក្រក់គឺបានត្រឹមតែបំផ្លាញខ្លួនឯងនិងអ្នកដទៃតែប៉ុណ្ណោះ ឬ អាចនាំឲ្យលោកនេះវិនាសទៅក៏សឹងតែបាន ។ ពាលតែងគិតថា មានតែខ្លួនឯងទេដែលត្រូវ​ អ្នកដទៃគឺសុទ្ធតែខុស កិច្ចការដែលអ្នកដទៃធ្វើសុទ្ធតែមិនត្រឹមត្រូវ មិនដែលមើលឃើញសេចក្តីល្អក្នុងអ្នកដទៃ មានតែការរិះគន់បន្ទាបបន្ថោកគេហើយលើកតម្លៃខ្លួនឯង កាលបើយ៉ាងនេះ ភាពអំនួត ភាពមានះប្រកាន់ ភាពកំណាញ់ឬស្យារមែងចម្រើនឡើង រហូតដល់ថ្ងៃមួយត្រូវធ្លាក់នរកព្រោះតែមិនចេះមើលឃើញកំហុសខ្លួនឯង ។