កុំប្រកែក

កុំមកប្រកែកយកចាញ់ឈ្នះ    ចង់ណាស់ជំនះឈ្នះរៀងៗខ្លួន

គិតតាមទៅមកនឹងគុំគួន    មិនស្រួលក្នុងខ្លួនញ័រអស់ប្រាណ។

ចង់ណាស់ឲ្យគេយល់តាមខ្លួន   គំនិតមាំមួនហួសការស្មាន

មិនខ្វាយខ្វល់អ្វីឲ្យតែបាន   ដឹងទេកល្យាណតើបានអ្វី ។ 

បានឈ្នះមែនពិតរូបខាងក្រៅ   ធ្វើតាមកម្លៅនៃប្រុសស្រី

មិនដឹងក្នុងចិត្តជាប្រក្រតី    ស្រុះស្រួលភក្តីតាមសន្តិ ។​

ដូច្នោះចូលកុំប្រកែកឡើយ    ព្រោះអីអ្នកអើយគេអាប់យស

ព្រោះគេគិតថាវាល្អហួស    អ្នកអាចនាំឈ្លោះព្រោះត្រឹមត្រូវ ។ 

ចូរកុំប្រកែករឿងធម្មតា អាចនាំអាត្មាបាត់ប្រយោជន៍

ប្រកែករករឿងនាំឲ្យខ្លោច   ដូចសត្វសង្កោចក្នុងចិន្តា ។​