ប្រាសាទភ្នាគោល

    ប្រាសាទភ្នាគោល ខ្លះហៅថាប្រាសាទគោល បានកសាងឡើងនៅស.តទី១០ រាជ្ជកាល ព្រះបាទរាជេន្រ្ទវម្ម៍ទី២ ដើម្បីជាទីគោរពបូជា របស់ប្រជាជននៅ ក្រុងគោលបុរាណ។ប្រាសាទនេះជារមណីយដ្ឋានទេសចរណ៍បែបប្រវត្តិសាស្ត្រ រមណីយដ្ឋាននេះមានទីតាំងស្ថិតនៅ ភូមិគោល ឃុំគោល ស្រុកអង្គរជុំ ខេត្តសៀមរាប មានចម្ងាយប្រហែល៥គីឡូម៉ែត្រពីទីរួមស្រុកអង្គរជុំ។ អ្នកបុរាណវិទ្យា​កត់សម្គាល់អំពីប្រាង្គប្រាសាទកសាងឡើងពីថ្មភក់ ពណ៍ផ្កាឈូត ប្រហាក់ប្រហែលទៅនិងប្រាសាទបន្ទាយស្រីដែរ។
 
   ប្រាសាទភ្នាគោល រងការខូចខាតយ៉ាងខ្លាំងនៅដើមទសវត្សឆ្នាំ៩០ បើតាមការបញ្ជាក់ពីចាស់ៗក្នុងតំបន់។ ការខូចខាតនៃបណ្ដាលមកពីមនុស្សព្យាយាមគាស់កកាយ ទម្លាក់គ្រាប់បែកបំផ្ទុះនៅក្នុងសម័យសង្គ្រាមព្យាយាមរកវត្តុមានតម្លៃលក់ទៅឱ្យបរទេសជាពិសេសប្រទេសជិតខាង៕