មិត្តដែលយល់ចិត្ត
#មិត្តដែលយល់ចិត្ត
គ្មាននរណាកើតមកសម្រាប់យល់ចិត្តនរណាម្នាក់ឡើយ ព្រោះសូម្បីតែពួកគេក៏មិនយល់ចិត្តខ្លួនឯងដែរ ។ អនុញ្ញាតិឱ្យសេចក្តីស្ងប់ស្ងាត់កើតឡើងខណៈនេះ ដែលជាឱកាសអាចឱ្យយើងស្វែងយល់ពីធម្មជាតិនៃចិត្តបាន ។
ស្ងាត់រហូតអាចស្តាប់សំឡេងនៃចិត្តគិតនិយាយពីចំណង់ ពីសេចក្តីត្រូវការ ពីការខូចចិត្តឈឺចាប់ ពីសេចក្តីរីករាយ ស្រឡាញ់ ខឹងស្អប់... ។
បុគ្គលដែលមានគុណភាពគឺអាចស្តាប់ចិត្តរបស់ខ្លួនឯងបានច្បាស់ អាចស្គាល់មុខមាត់របស់ចិត្ត ហើយអនុញ្ញាតិឱ្យវាកើតនិងរលត់តាមធម្មតា ។
លោកនេះ គ្មានមិត្ត គ្មានមនុស្សយល់ចិត្តទេ មានតែសេចក្តីដឹងខ្លួនរបស់យើងតែមួយប៉ុណ្ណោះដែលអាចយល់គ្រប់យ៉ាងបាន ។
ឈរត្រង់ចំនុចនេះ យើងលែងចំណាយពេលវេលាបកស្រាយដើម្បីឱ្យគេយល់ និង លែងស្វែងរកមនុស្សដែលយល់ចិត្ត ។
ភារៈចុងក្រោយ គឺជាដំណើរផ្សងព្រេងដើម្បីស្វែងរកខ្លួនឯង(សេចក្តីដឹងខ្លួន)ធ្វើជាមិត្តតែប៉ុណ្ណោះ ។
362.261 SRY