មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក បាននិយាយថា អ្នកដែលទទួលបានវ៉ាក់សាំងបង្ការជំងឺអុតស្វា monkeypox យ៉ាងតិចមួយដង គឺទំនងជាកាត់បន្ថយការឆ្លងបាន ១៤ដង។ CDC បានវិភាគករណីបុរសជាង ៥,៤០០ នាក់ ដែលមានអាយុចន្លោះពី ១៨ ទៅ ៤៩ឆ្នាំ ដែលត្រូវបានរាយការណ៍ ពីចុងខែកក្កដា ដល់ដើមខែកញ្ញា។ ខ្លួននិយាយថា ការចាប់ផ្តើមនៃជំងឺ ១៤ថ្ងៃ បន្ទាប់ពីការចាក់វ៉ាក់សាំងមួយដូស មានយ៉ាងហោចណាស់ប្រហែល ១/១៤ ប្រៀបនឹងក្នុងចំណោមអ្នកដែលមិនបានទទួលថ្នាំបង្ការ។ វ៉ាក់សាំងនេះត្រូវបានបង្កើតឡើងដំបូងសម្រាប់ជំងឺអុតធំ ហើយត្រូវបានគេជឿថា មានប្រសិទ្ធភាពសម្រាប់ជំងឺអុតស្វា ប៉ុន្តែប្រសិទ្ធភាពប៉ុនណានៅមិនទាន់មានការបញ្ជាក់។
សាស្ត្រាចារ្យលោក Morikawa Shigeru នៅសាកលវិទ្យាល័យវិទ្យាសាស្រ្ត Okayama និយាយថា ការសិក្សានេះបញ្ជាក់ពីកម្រិតជាក់លាក់នៃប្រសិទ្ធភាព។ ប៉ុន្តែលោកក៏បានចង្អុលបង្ហាញដែរថា ការសិក្សានេះគឺសម្រាប់ការចាក់ មួយដូសប៉ុណ្ណោះ ខណៈវ៉ាក់សាំងនេះគឺត្រូវការចាក់ពីរដូស។ លោកនិយាយថា ការវិភាគបន្ថែមទៀតនឹងចាំបាច់ ដើម្បីមើលការកំណត់ភាពស៉ាំឱ្យបានត្រឹមត្រូវ។ CDC បាននិយាយថា គិតត្រឹមថ្ងៃព្រហស្បតិ៍នេះ ករណីជំងឺអុតស្វាមានចំនួន ៧៦,៧១៣ ត្រូវបានរាយការណ៍ជាសកលក្នុងប្រទេស និងដែនដីចំនួន ១០៩ ខណៈមានមនុស្សចំនួន ៣៦ នាក់ បានស្លាប់។ ជាមួយគ្នានេះ ការចាក់វ៉ាក់សាំងកំពុងឈានទៅមុខជាចម្បង នៅក្នុងសហរដ្ឋអាមេរិក និងអឺរ៉ុប៕
342.296 SRY