មនុស្សដែលអស្ចារ្យសម្រាប់អ្នកគ្រប់គ្នា

«នៅខាងក្រៅផ្ទះ ខ្ញុំជាប្រធានក្រុមហ៊ុន ជាមនុស្សដែលអស្ចារ្យសម្រាប់អ្នកគ្រប់គ្នា ប៉ុន្ដែនៅក្នុងផ្ទះ តើខ្ញុំអាចធ្វើជាមនុស្សដែលមិនខ្វល់ពីគ្រួសារបានយ៉ាងម៉េចទៅ? គ្រាន់តែការងារជូតផ្ទះសោះ ឯងទាមទារចង់បានពាក្យអរគុណ ចង់បានការសរសើរ តើឯងមិនគិតថាខ្លួនឯងអាត្មានិយមខ្លាំងទេឬសម្លាញ់? ប្រហែលជាប្រពៃណីបានប្រាប់ឯងថា ការងារផ្ទះជាការងារមនុស្សស្រីតែម្នាក់ដែលត្រូវទទួលខុសត្រូវ។ សម័យពីមុនខុសពីឥឡូវ ពីមុនមនុស្សស្រីនៅផ្ទះមើលកូន ដាំបាយធ្វើម្ហូប ជូតផ្ទះ បោកគក់ មកពីកាលនោះនាងមិនបានធ្វើការងារក្រៅផ្ទះ។ ប៉ុន្ដែឥឡូវខុសគ្នា! មនុស្សស្រីមានការងារធ្វើ មានប្រាក់ខែ មានសកម្មភាពជាច្រើននៅក្នុងសង្គម មានន័យថានាងមានសិទ្ធស្មើយើងដែរ។ »