Aston Villa កំពុងពិចារណាក្នុងការនាំយកខ្សែប្រយុទ្ធបែលហ្ស៊ិក Romelu Lukaku

  ខ្សែប្រយុទ្ធបែលហ្ស៊ិក Romelu Lukaku គឺជាគោលដៅផ្ទេរដ៏គួរឱ្យភ្ញាក់ផ្អើលមួយសម្រាប់ក្លិប​ Aston Villa នៅរដូវក្តៅខាងមុននេះ នេះបើយោងតាមរបាយការណ៍របស់ Todo Fichajes។ ខ្សែប្រយុទ្ធវ័យ 29 ឆ្នាំរូបនេះ ទៅចូលរួមជាមួយក្លឹប Inter Milan ក្នុងលក្ខខណ្ឌខ្ចីជើងពី Chelsea សម្រាប់រដូវកាលនេះ បើទោះបីជាការផ្ទេររបស់គាត់មានតម្លៃ 97 លានផោនក្នុងឆ្នាំ 2021 ក៏ដោយ។

ប៉ុន្តែ​ជាមួយនឹង​កិច្ចព្រមព្រៀង​នោះ​នឹង​បញ្ចប់​ក្នុង​រដូវក្តៅ គាត់​មើលទៅ​នឹង​មាន​ការផ្លាស់ប្តូរ​ម្តងទៀត ខណៈ​ដែល​ក្លឹប Chelsea ត្រូវបាន​គេ​និយាយថា​ចង់​លក់​គាត់​។ Lukaku រកបាន 121 គ្រាប់ក្នុងការបង្ហាញខ្លួន 278 ប្រកួតនៅ Premier League សម្រាប់ Chelsea, West Brom, Everton និង Manchester United ។