សេរីភាពនៃជម្រើស

រឿងអ្វីក៏ដោយបើយើងមិនច្បាស់លាស់ទេ កុំព្យាយាមផ្តល់នូវក្តីសង្ឃឹម និងសន្យាដល់អ្នកណាម្នាក់ ពីព្រោះគ្រប់យ៉ាងនឹងប្រែប្រួលទៅតាមពេលវេលា។ កុំព្យាយាមធ្វើអ្វីទៅតាមតែការយល់ឃើញ ឬធ្វើតាមទង្វើរបស់មនុស្សភាគច្រើន។ ត្រូវរៀនស្តាប់ និងស្វែងយល់ឱ្យបានហ្មត់ចត់ ពិសេសពីអ្នកដែលមានបទពិសោធ ឬចាស់ទុំជាងយើង។ នៅពេលដែលយើងផ្តល់ការជឿជាក់ដល់អ្នកដទៃកាន់តែខ្លាំង ការខកចិត្តក៏កាន់តែខ្លាំង ហើយភាពអន្តរាយរឹតតែធំធេង។

មនុស្សគ្រប់រូបតែងចង់រស់នៅក្នុងជីវិតមួយដែលរីករាយ និងមានសេរីភាព ប៉ុន្តែពេលខ្លះវាគ្មានជម្រើស ឬមិនត្រូវនឹងកាលៈទេសៈជាដើម។ ការប្រើប្រាស់នូវសិទ្ធិសេរីភាពដែលហួសព្រំដែន នឹងនាំឱ្យយើងធ្វើអ្វីៗតាមតែចិត្ត ឬតាមការយល់ឃើញដោយពុំបានគិតពីផលប៉ះពាល់ឡើយ។ កាលដែលយើងផ្តល់តម្លៃឱ្យខ្លួនឯងហួសហេតុពេក យើងនឹងលែងឃើញពីភាពសំខាន់ ឬតម្លៃរបស់បុគ្គលដទៃ ហើយគិតថាមានតែខ្លួនម្នាក់ប៉ុណ្ណោះដែលមិនងាយខុស៕

អត្ថបទដកស្រង់ពីសៀវភៅ ：មនុស្សខ្មៅ

សេរីភាពនៃជម្រើស

Comments