លះបង់

  ពេលខ្លះគេមើលមិនឃើញទេថាយើងលះបង់សម្រាប់គេច្រើនប៉ុនណា។ ពេលយើងយកចិត្តទុកដាក់ចំពោះគេ គេបែរជាគិតថាយើងជាមេរំខានគួរឱ្យធុញទៅវិញ។ ពេលយើងខ្វល់ខ្វាយពីគេ គេបែរជាគិតថាយើងនេះហួងហែង មិនឱ្យគេមានសេរីភាព។

តើក្តីស្រឡាញ់ពិតជាគួរឱ្យធុញទ្រាន់សម្រាប់គេមែនទេ? តើពេលណាគេនឹងមើលឃើញពីតម្លៃរបស់យើងទៅ? តើយើងនឹងស៊ូទ្រាំដើរទៅមុខទាំងស្រពេចស្រពិលបែបនេះរហូតឬ? បើការខិតខំលះបង់ដ៏ច្រើន តែបែរជាគ្មានតម្លៃសម្រាប់គេទៅវិញនោះ។

ការអត់ធ្មត់ក៏មានពេលកំណត់ដែរ សង្ឃឹមថាគេនឹងបានរៀនពីមេរៀនមួយនេះ ហើយគេនឹងខ្វល់ខ្វាយ មើលថែរក្សា​និងផ្តល់ក្តីស្រឡាញ់ទៅអ្នកថ្មី​ឱ្យបានសមតម្លៃដែលគេផ្តល់មកឱ្យអ្នកដូចគ្នា។ ជូនពរពីចម្ងាយ!

អត្ថបទ៖ សៀវភៅជីវិត