អារម្មណ៍ក្នុងចិត្ត

ឃើញគេលេងសប្បាយ អ៊ូអរ ឈូរឆរ ក៏សប្បាយដែរ តែបើឱ្យចូលទៅលេងជាមួយគេ គឺអត់ទេ ខ្ញុំដឹង មានមនុស្សជាច្រើនថាខ្ញុំឫក សោះកក្រោះ គេថាខ្ញុំចរិតចឹង គ្មានអ្នកណារាប់ទេ តែឯងៗ គ្មានញាតិ គ្មានអ្នកណាចូលចិត្ត តែមិនអីទេ ការពិតទៅ ខ្ញុំក៏ជាមនុស្សដែលចូលចិត្តសប្បាយដែរ គ្រាន់តែចូលចិត្តសប្បាយបែបមនុស្សតិច សប្បាយបែបស្ងប់ស្ងាត់ មិនចូលចិត្តចូលទៅក្នុងចំណោមមនុស្សច្រើនអ៊ូអរ ប្រជ្រៀតគ្នា មិនចូលចិត្តឱ្យអ្នកណាមកប៉ះខ្ញុំ រឹតតែមិនចូលចិត្តពេលត្រូវគេកេងចំណេញ បន្លំ ម្យ៉ាងទៀត ខ្ញុំជាមនុស្សចរិតស្ងប់ស្ងាត់ ចូលចិត្តបែបរក្សាឯកជន ក្នុងចំណោមមនុស្សច្រើនឈរប្រជ្រៀតគ្នា ខ្ញុំមិនទៅទេ ... លើសពីនេះ ខ្ញុំក៏អត់ចូលចិត្តទៅដើរលេង ពេលគេដើរព្រោងព្រាតដែរ ខ្ញុំគិតថា ចង់ដើរពេលណាក៏បាន ឱ្យតែចិត្តចង់  !

មានគេថា ចុះបើខ្ញុំចរិតចឹង ពេលបានដៃគូមក ជាមនុស្សចូលចិត្តសប្បាយ ទៅដើរលេងជុំគ្នាច្រើនៗ ខ្ញុំគិតម៉េច? សម្រាប់ខ្ញុំ គ្មានបញ្ហាទេ បើអាចទៅបានក៏ទៅ តែបើទៅមិនបាន ក៏មិនហាមដៃគូខ្ញុំដែរ គេចង់ទៅណាក៏បានឱ្យតែគេចង់ តាមចិត្ត គេមានសេរីភាព មិនមែនខ្ញុំមិនចូលចិត្ត មិនចង់ ក៏ហាម ឃាត់ឃាំងគេទុកដែរនោះទេ មនុស្សខ្ញុំមានហេតុផល យល់ការណ៍ ដឹងច្បាស់ ក៏គោរពសិទ្ធមនុស្សក្បែរខ្លួនខ្ញុំដែរ !!!